បរទេស៖ នេះបើយោងតាមការចេញផ្សាយរបស់ 90min បានអោយដឹងថាក្លឹបបិសាចក្រហម និង Manchester City បានបង្ហាញពីការចង់បានទៅលើសមត្ថភាពរបស់កីឡាករ Colwill។ ស្របពេលដែលក្លឹប Chelsea បានបញ្ជាក់យ៉ាងច្បាស់ថាគាត់មិនចាកចេញក្លឹបនៅរដូវក្តៅនេះទេ។
បន្ទាប់ពីបញ្ចប់ការខ្ចីជើងនៅក្លឹប Brighton គាត់នឹងត្រូវមកជួបពិភាក្សាជាមួយនឹងក្លឹបលោក Mauricio Pochettino ដោយក្លឹបបានចាប់ទុកគាត់ជាកីឡាករសំខាន់ម្នាក់នៅក្នុងទម្រង់លេងរដូវកាលក្រោយ។
ក្នុងនោះក្លឹប Liverpool ក៏បានដាក់សំណើរចំនួន ២ដងផងដែរសម្រាប់ Colwill កាលពីសប្តាហ៍កន្លងទៅ ប៉ុន្តែត្រូវបានបដិសេធ។ សម្រាប់ក្លឹប Brighton ក៏ចង់ចុះហត្ថលេខាយកកីឡាករវ័យ ២០ឆ្នាំរូបនេះដែរ បន្ទាប់ពីបានបង្ហាញខ្លូនអោយក្លឹប ២២ដងកាលពីរដូវកាលមុន ក្នុងលក្ខខណ្ឌខ្ចីជើង៕
