Hakim Ziyech កំពុងធ្វើដំណើរទៅកាន់ទឹកដីអារ៉ាប៊ីសាអូឌីត ដោយបានយល់ព្រមលក្ខខណ្ឌផ្ទាល់ខ្លួនជាមួយ Al Nassr លើកិច្ចសន្យារយៈពេល 3 ឆ្នាំកាលពីដើមសប្តាហ៍នេះ។ ហើយឥឡូវនេះ Chelsea ក៏បានព្រមព្រៀងជាមួយក្រុម Al Nassr ជុំវិញការផ្លាស់ប្តូរនេះដែរ។
របាយការណ៍របស់លោក Fabrizio Romano មិនបាននិយាយថា តើកិច្ចព្រមព្រៀងនេះមានតម្លៃផ្ទេរប៉ុន្មាននោះទេ ។ ប៉ុន្តែរបាយការណ៍ពីមុនរំពឹងថា កិច្ចព្រមព្រៀងនេះទទួលបានប្រាក់លើសពី 50 លានផោន ។
កីឡាករសញ្ជាតិម៉ារ៉ុករូបនេះ ក៏បានផ្សារភ្ជាប់ក្នុងការចាកចេញពី Chelsea កាលពីខែមករាសម្រាប់ការផ្លាស់ទៅកាន់ PSG ។ កីឡាករវ័យ 30 ឆ្នាំរូបនេះបានបង្ហាញខ្លួន 107 ប្រកួត ស៊ុតបាន 14 គ្រាប់ ជួយក្រុមអោយឈ្នះពានរង្វាន់ Champions League 1 ដង ក្នុងការប្រកបអាជីពរយៈពេល 3 ឆ្នាំក្នុងទឹកដី Stamford Bridge៕
