ក្លឹបកាំភ្លើងធំ Arsenal បានដាក់សំណើរក្នុងទឹកប្រាក់ចំនួន 30 លានផោន ដើម្បីចុះហត្ថលេខាលើខ្សែការពារ Jurrien Timber របស់ Ajax ។
បើយោងរបាយការណ៍ The Athletic បានអោយដឹងថាក្លឹប Ajax ចង់បាន 50 លានផោនក្នុងចុះហត្ថលេខាកីឡាករវ័យ 22 ឆ្នាំ ប៉ុន្តែក្លឹបចង់អោយមានការសម្របសម្រួលគ្នា ព្រោះភាគីទាំងសងខាងចង់អោយកិច្ចព្រមព្រៀងដំណើរការ។
Timber មានតួនាទីជាខ្សែការពារកណ្តាល ឬខ្សែការពារស្តាំ បច្ចុប្បន្នកំពុងប្រកបអាជីពអោយក្លឹប Ajax ហើយបានលេងអោយក្រុមជម្រើសជាតិហូឡង់ចំនួន ១៥លើក ។
គាត់បានបង្ហាញខ្លួនសរុបចំនួន 121 ប្រកួតសម្រាប់ Ajax ចាប់តាំងពីបង្ហាញខ្លួនលើកដំបូង ហើយក៏បានទាក់ទាញចំណាប់អារម្មណ៍ពីក្លឹប Manchester United និង Liverpool ផងដែរ។
គួរបញ្ជាក់ផងដែរ Arteta ចង់ពង្រឹងក្រុម ខណៈក្រុមរបស់គាត់វិលទៅកាន់ក្របខ័ណ្ឌ Champions League បន្ទាប់ពីការបញ្ចប់ក្នុងចំណាត់ថ្នាក់លេខ 2នៅក្នុង Premier League សម្រាប់រដូវកាលនេះ៕
