បើយោងតាមរបាយការណ៍ Sky Sport បានអោយដឹងថា Bayern Munich កំពុងស្ថិតក្នុងការចរចារកម្រិតខ្ពស់ ដើម្បីចុះហត្ថលេខាលើខ្សែការពារ Kyle Walker របស់ Manchester City ។ កីឡាករវ័យ 33 ឆ្នាំនៅសល់កុងត្រាមួយឆ្នាំទៀតនៅ Etihad ។
របាយការណ៍ដដែលបានបន្ថែមថាគ្រូបង្វឹក Bayern លោក Thomas Tuchel គឺជាកត្តាជំរុញដ៏សំខាន់ក្នុងការបញ្ចុះបញ្ចូល Walker ឱ្យផ្លាស់ទៅចូលរួមក្រុមជើងឯក Bundesliga ។
ចំណែកលោក Pep Guardiola គ្រូបង្វឹករបស់ City មិនបានដាក់ Walker សម្រាប់ការប្រកួតវគ្គផ្តាច់ព្រ័ត្រនៃក្របខ័ណ្ឌ Champions League ដោយបានជំនួសដោយកីឡាករ Manuel Akanji ។
លោក Guardiola បាននិយាយកាលពីខែមេសាថា Walker មិនអាចលេងក្នុងប្រព័ន្ធរបស់ Man City បានទៀតទេ ដូចដែលយើងឃើញថា John Stones បានផ្លាស់ពីខ្សែការពារទៅលេងនៅតំបន់បម្រើកណ្តាលវិញ ដោយហេតុថាកីឡាករនៅតំបន់ការពារច្រើនពេកទើបលោក Pep ផ្ដល់ការចាកចេញសម្រាប់ Walker ។
គួររំលឹកឡើងវិញ Walker ដែលបានចូលរួមជាមួយ Man City ដោយការផ្លាស់មកពី Tottenham ក្នុងឆ្នាំ 2017 ក្នុងតម្លៃ 50 លានផោន។ ហើយគាត់បង្កើតសមិទ្ធផលជាច្រើន រួមមានពានរង្វាន់ Premier League 5 ដង ពានរង្វាន់ FA Cup 2 ដង ពានរង្វាន់ League Cup 4 ដង និង ពានរង្វាន់ Champions League 1 ដងក្នុងរយៈពេល 6 ឆ្នាំរបស់គាត់សម្រាប់ Manchester City៕
