បរទេស៖ ក្លឹប United និង Ronaldo បានឈានដល់ការបញ្ចប់កិច្ចព្រមព្រៀងកាលពីខែវិច្ឆិកា បន្ទាប់ពីការផ្ទុះឡើងនៅកិច្ចសម្ភាសន៍របស់ Ronaldo នៅក្នុងកញ្ចក់ទូរទស្សន៍មួយ មុនការប្រកួតបាល់ទាត់ពិភពលោកមកដល់។ តារាឆ្នើមសញ្ជាតិព័រទុយហ្គាល់បានបាត់បង់ទំនុកចិត្តនៅកីឡដ្ឋាន Old Trafford ខណៈដែលលោក Ten Hag សម្លឹងមើលការពង្រឹងនៅក្រុម United។ ហើយអ្នកចាត់ការសញ្ជាតិហូឡង់រូបនេះ បាននិយាយអំពីកត្តាដែលធ្វើអោយប៉ះពាល់ដល់ក្រុមរបស់គាត់។
គួរបញ្ជាក់ថានៅពេលត្រូវបានចោទសួរថាតើការចាកចេញរបស់ Ronaldo ធ្វើអោយ Man United ប្រសើរឡើងឬអត់នោះ Ten Hag បានប្រាប់កាសែត The Times ថា “ប្រសិនបើអ្នកមើលឃើញយ៉ាងនេះ គឺវាអាស្រ័យទៅលើអ្នក។ ដូច្នេះអ្វីដែលខ្ញុំចង់ឃើញពីក្រុមរបស់ខ្ញុំគឺក្រុមដែលមានសកម្មភាពស្វាហាប់ និងមានការប្តេជ្ញាចិត្ត។ ខ្ញុំធ្លាប់ឃើញពួកគេជាច្រើនដងមកហើយជាមួយនឹងអាកប្បកិរិយាមួយនោះ ហើយវាជាអ្វីដែលខ្ញុំចូលចិត្ត។ វាមិនមែនមានន័យថាយើងពេញចិត្តនោះទេ។ វានៅសល់ផ្លូវវែងឆ្ងាយទៀតដែលត្រូវទៅ ប៉ុន្តែយើងច្បាស់ជាបង្ហាញអោយបានឃើញ”៕
