បរទេស៖ ក្លឹប Barcelona នឹងត្រូវប្រជែងជាមួយក្លឹប Manchester City សម្រាប់ការចុះហត្ថាលេខាលើខ្សែបម្រើវ័យ ២៨ឆ្នាំរបស់ក្លឹប Bayern Munich គឺកីឡាករ Joshua Kimmich ។ នេះបើតាមការចុះផ្សាយរបស់សារព័ត៌មាន Mundo Deportivo បានអោយថាក្លឹប Barca និងក្លឹប City សុទ្ធតែចង់បានកីឡាករសញ្ជាតិអាល្លឺម៉ង់ រូបនេះ ទៅចូលរួមជាមួយខ្លួន។
គួរបញ្ជាក់ថាសម្រាប់តម្លៃខ្លួនរបស់ខ្សែបម្រើវ័យ ២៨ឆ្នាំរូបនេះ គឺមានតម្លៃខ្លួនប្រមាណ ៨០លានអឺរ៉ូ។ ខណៈពេលដែលក្លឹប Man City កំពុងស្វែងរកនៅអ្នកមកជំនួសកីឡាករ Ilkay Gundogan ដែលនឹងចាកចេញពីក្លឹបនៅរដូវក្ដៅនេះ។ ដោយឡែក Barcelona ក៏បានចាប់អារម្មណ៍ទៅលើកីឡាកររូបនេះផងដែរ ដោយពួកគេចង់យកគាត់មកជំនួសកន្លែងរបស់ខ្សែបម្រើ Sergio Busquets៕
