អ្នកចាត់ការ Manchester City លោក Pep Guardiola និយាយថា៖ «អ្វីដែលពិសេសសម្រាប់គាត់គឺការប្រកួត Champions League ហើយគាត់បានត្រៀមខ្លួនរួចហើយ សម្រាប់វគ្គពាក់កណ្តាលផ្តាច់ព្រ័ត្រជើងទីពីរទល់នឹង Real Madrid នៅថ្ងៃពុធនេះ»។
ក្រុម Manchester City ជាក្រុមដែលមិនធ្លាប់ជាម្ចាស់ជើងឯកអឺរ៉ុប Champions League ។ លោក Guardiola ជាគ្រូបង្វឹកធ្លាប់បានឈ្នះពានរង្វាន់ Champions League ចំនួនពីរក្នុងនាមជាអ្នកចាត់ការទូទៅជាមួយនឹង Barcelona ក្នុងឆ្នាំ 2009 និង 2011។
គាត់បាននិយាយថា ៖ « ខ្ញុំមកទីនេះ ព្រោះខ្ញុំចង់ឲ្យក្លឹបមួយនេះ ឈ្នះពានអឺរ៉ុប Champions League។ ខ្ញុំបានប្រាប់កីឡាករឱ្យរីករាយជាមួយពេលវេលានេះ យើងមានសំណាងមិនគួរឱ្យជឿដែលបានមកដល់វគ្គនេះ។ ពេលនេះពានស្ថិតនៅក្នុងដៃរបស់យើងម្ដងទៀតហើយ វាអាស្រ័យលើយើង យើងមិនចាំបាច់ធ្វើអ្វីដែលពិសេសនោះទេ គ្រាន់តែឈ្នះមួយប្រកួតដើម្បីឈានដល់វគ្គផ្តាច់ព្រ័ត្របានហើយ»។
«ខ្ញុំមានអារម្មណ៍ថា ពិតជាមិនគួរឱ្យជឿទេចំពោះពួកគេដែលអាចធ្វើរឿងដ៏អស្ចារ្យសម្រាប់ក្រុមបាន ។ ទោះមានអ្វីកើតឡើង អរគុណច្រើនចំពោះពួកគេសម្រាប់ការនាំខ្ញុំ និងអ្នកគាំទ្រ Man City មកទីនេះម្តងទៀត»៕
