កិច្ចសន្យាបច្ចុប្បន្នរបស់ Dani Olmo ជាមួយ RB Leipzig នឹងផុតកំណត់នៅឆ្នាំ 2024 ហើយកីឡាករវ័យ 25 ឆ្នាំរូបនេះហាក់ដូចជាមិនចាប់អារម្មណ៍ ក្នុងការបន្តការស្នាក់នៅបន្តជាមួយក្រុមអាឡឺម៉ង់ទៀតទេ។
កីឡាករសញ្ជាតិអេស្ប៉ាញរូបនេះ បានក្លាយជាជម្រើសដ៏ទាក់ទាញមួយសម្រាប់ក្លឹបជាច្រើន ដោយសារតែ Leipzig ត្រូវលក់គាត់ក្នុងតម្លៃទាប។
ដូចដែលបានរាយការណ៍ដោយ Diario AS បានអោយដឹងថាក្រុម Real Madrid គឺជាក្រុមកំពូលមួយក្នុងចំនោមក្រុមកំពូលជាច្រើន ដែលចាប់អារម្មណ៍លើការទិញយកកីឡាកររូបនេះ។ ខណៈពេលដែលក្រុមអាឡឺម៉ង់មិនទាន់កំណត់តម្លៃ ប៉ុន្តែអ្នកកាសែត Aritz Gabilondo និយាយថា ប្រសិនបើគាត់ត្រូវផ្លាស់ទៅរដូវក្តៅនេះ តម្លៃរបស់គាត់យ៉ាងហោចណាស់ចន្លោះពី 30 ទៅ 40 លានអឺរ៉ូ ។
Real Madrid កំពុងពិចារណាគាត់ជាជម្រើសថ្មីមួយសម្រាប់ក្រុម ប្រសិនបើ Marco Asensio ចាកចេញ។ តែទោះជាយ៉ាងណាកីឡាករវ័យ 27 ឆ្នាំត្រូវបានគេរំពឹងថាគាត់នឹងនៅបន្តជាមួយ Real Madrid ៕
