ខ្សែប្រយុទ្ធ និងខ្សែបម្រើគឺជាតំបន់គោលដៅសំខាន់សម្រាប់ Man United ប៉ុន្តែការធ្វើអោយប្រសើររបស់ក្រុមក៏ជាគំនិតរបស់លោក Erik ten Hag ផងដែរ។ អ្នកចាត់ការសញ្ជាតិហូឡង់និយាយថា Manchester United មានបំណងនាំយកកីឡារមកពង្រឹងក្រុមបន្ថែមនៅក្នុងទីផ្សារដោះដូរកីឡាករនៅរដូវក្តៅ។
Man United បានដាក់ការចាប់អារម្មណ៍លើ Harry Kane និង Victor Osimhen បន្ថែមពីនេះលោក Ten Hag ចង់នាំយកខ្សែបម្រើវ័យក្មេងដូចជា Frenkie de Jong និង Jude Bellingham ហើយបិសាចក្រហមបានពិភាក្សារួចហើយជាមួយ Jeremie Frimpong ដែលជាខ្សែការពារស្តាំរបស់ Bayer Leverkuse។
ហើយមានកីឡាករជាច្រើនរូបដែល Man United មានគម្រោងលក់ចេញក្នុងនោះរួមមាន Harry Maguire, Eric Bailly, Alex Telles , Anthony Martial, Axel Tuanzebe និង Brandon Williams, Anthony Elanga, Facundo Pellistri, Dean Henderson និង Scott McTominay។
លោក Ten Hag បានពន្យល់ថា៖ «ខ្ញុំគិតថាយើងត្រូវពង្រឹងក្រុម និងបុគ្គលិកបច្ចេកទេសបន្ថែមទៀត»។ រហូតមកដល់ពេលនេះ យើងមានរដូវកាលដ៏អស្ចារ្យមួយ ដូច្នេះយើងនឹងបន្តទៅមុខ បន្តកែលម្អ បន្តរីកចម្រើន ហើយក្រុមកំពុងធ្វើបានយ៉ាងល្អ ហើយខ្ញុំគិតថាវារីករាយណាស់ដែលបានក្លាយជាផ្នែកមួយនៃក្រុមនេះ។ យើងត្រូវបន្តវាបន្ថែមទៀត។ យើងមានកីឡាករល្អ ក្រុមដ៏អស្ចារ្យ ជាឆ្នាំដ៏អស្ចារ្យ យើងនឹងជោគជ័យ ប្រសិនបើយើងខំប្រឹងបន្តទៀត»៕
