របាយការណ៍របស់បារាំង បាននិយាយថា Manchester United បានដាក់ការចាប់អារម្មណ៍លើ Neymar។ តារាឆ្នើមប្រេស៊ីលរូបនេះ បានឆ្លងកាត់រដូវកាលមួយដែលញាំញីដោយរបួសកជើង ប៉ុន្តែគាត់អាចស៊ុតបាន 18 គ្រាប់ក្នុង 29 ប្រកួតសម្រាប់ PSG។
ភាពមិនស៊ីសង្វាក់គ្នារបស់ Neymar ជាមួយក្លឹបអ្នកមានបារាំង ជាហេតុនាំអោយគាត់ចង់ចាកចេញនៅរដូវក្ដៅនេះ ហើយ Chelsea ក៏បានទាក់ទងជាមួយខ្សែប្រយុទ្ធរូបនេះផងដែរ។
ប៉ុន្តែឥឡូវនេះ យោងតាម Footmercato នៅក្នុងប្រទេសបារាំងបានអោយដឹងថា Man United បានត្រៀមខ្លួនរួចជាស្រេច ដើម្បីចូលរួមតាមប្រមាញ់តារាឆ្នើម ដែលមានតម្លៃខ្លួន 198 លានផោន។ កុងត្រារបស់ Neymar នឹងត្រូវផុតកំណត់នៅឆ្នាំ 2025 ហើយគាត់មានជម្រើសក្នុងការបន្តវាដល់ឆ្នាំ 2027។
ប៉ុន្តែ របាយការណ៍ដដែលបាន អះអាងថា PSG ចង់ចែកផ្លូវជាមួយកីឡាកររូបនេះ អោយបានកាន់តែលឿនកាន់តែល្អ បើទោះជាកីឡាករចង់នៅបន្តក៏ដោយ។
គួររំលឹកឡើងវិញផងដែរថាការដេញថ្លៃរបស់ Al Thani ត្រូវបានគេរាយការណ៍ថាមានតម្លៃ 5ពាន់លានផោន ហើយគាត់បានសន្យាថានឹងលុបបំណុលរបស់ក្លឹប និងការដំឡើងមូលនិធិសម្រាប់ទាំង Old Trafford និង Carrington ។ ប៉ុន្តែទោះជាយ៉ាងណាក៏ដោយក្លឹប Man United មិនខ្វល់ថា Neymar មានតម្លៃខ្លួនប៉ុន្មានទេក្លឹបបិសាចក្រមមិនខ្លាចនឹងផ្ដល់អោយកីឡាកររូបនេះឡើយ៕
