Robert Lewandowski បានបរាជ័យក្នុងការស្វែងរកគ្រាប់បាល់ក្នុងការបង្ហាញខ្លួន 4 លើកចុងក្រោយរបស់គាត់សម្រាប់ Barcelona ប៉ុន្តែ Xavi មិនមានការព្រួយបារម្ភចំពោះទម្រង់លេងរបស់ខ្សែប្រយុទ្ធរូបនេះនោះទេ។
កីឡាករជម្រើសជាតិប៉ូឡូញ មានវត្តមានដ៏ច្រើនលើសលប់ពេញមួយអាជីពដ៏គួរឱ្យភ្ញាក់ផ្អើលរបស់គាត់រហូតមកដល់បច្ចុប្បន្ន ដោយក្លឹប Borussia Dortmund, Bayern Munich និង Barca ទទួលបានអត្ថប្រយោជន៍យ៉ាងច្រើនពីកីឡាកររូបនេះ ហើយនៅក្នុងរដូវកាលនេះLewandowski រកបាន 27 គ្រាប់។
គ្រូបង្វឹក Barca លោក Xavi មិនមានការព្រួយបារម្ភទេនៅពេលនិយាយអំពីទម្រង់លេងរបស់ Lewandowski ដោយកីឡាករវ័យ 34 ឆ្នាំរូបនេះនៅតែជាអ្នកស៊ុតបញ្ចូលទីនាំមុខគេនៅ La Liga ខណៈដែល Barcelona មានភាគរយខ្ពស់ក្នុងការឈ្នះពាន La Liga។
Xavi បាននិយាយថា៖ «គាត់បានជោគជ័យនៅរដូវកាលនេះ។ ខ្សែប្រយុទ្ធទាំងអស់សុទ្ធតែចង់រកគ្រាប់បាល់។ គាត់ជាអ្នកស៊ុតបញ្ចូលទីច្រើនជាងគេក្នុងលីកជាមួយនឹងគ្រាប់បាល់ ១៧ គ្រាប់ ស្រមៃមើលថាតើអ្នកផ្សេងទៀតមានអារម្មណ៍យ៉ាងណា»៕
