បរទេស៖ នេះបើយោងតាមការចេញផ្សាយរបស់ AS បានអោយដឹងថាក្លឹប Chelsea មានបំណងចង់យកខ្សែបម្រើក្លឹប Barcelona ហើយ Gavi ក៏មានភាគរយខ្ពស់ដែលអាចនឹងចាកចេញពី Camp Nou នៅរដូវក្តៅនេះ។
កុងត្រារបស់របស់ Gavi ត្រូវបានសហព័ទ្ធបាល់ទាត់ La Liga ចាត់ទុកថាមិនមានសុពលភាព លុះត្រាតែក្លឹប Barcelona ដោះស្រាយស្ថានភាពហិរញ្ញវត្ថុរបស់ពួកគេបានសិន។ ហើយកត្តានេះអាចធ្វើអោយពួកគេនឹងអនុញ្ញាតអោយ Gavi ចេញដោយគ្មានតម្លៃខ្លួននៅខែមិថុនា។
របាយការណ៍បញ្ជាក់ថាក្លឹប Chelsea កំពុងសម្លឹងរកការកេងចំណេញពីលើបញ្ហាហិរញ្ញវត្ថុរបស់ Barcelona ហើយពួកគេក៏បានពិភាក្សាជាមួយនឹង Gavi ក៏ដូចជាភ្នាក់ងាររបស់គាត់ជុំវិញឪកាសដែលអាចធ្វើការផ្ទេរបាន៕
