យោងតាម Foot Mercato បានឲ្យដឹងថាក្លឹបអ្នកមានបារាំង PSG បានចូលប្រជែងដើម្បីចុះហត្ថលេខាលើខ្សែការពារកណ្ដាល Kim Min Jae របស់ Napoli នៅរដូវក្តៅ។
យោងតាមរបាយការណ៍ខាងលើ ទីប្រឹក្សាកីឡារបស់ PSG លោក Luis Ocampos កំពុងតែដាក់សំណើរសម្រាប់ខ្សែការពារកណ្តាល ខណៈដែលគាត់បានសម្លឹងមើលការកែប្រែប្រព័ន្ធការពារឡើងវិញ។
ប្រព័ន្ធផ្សព្វផ្សាយរបស់បារាំងក៏បានណែនាំផងដែរថា កីឡាករវ័យ 26 ឆ្នាំរូបនេះមានតម្លៃខ្លួនពី 45 លានអឺរ៉ូ ទៅ 50 លានអឺរ៉ូ។
ទោះបីជាតម្លៃនេះកើនឡើងដល់ 52.5 លានអឺរ៉ូក៏ដោយក៏ក្លឹបយក្សរបស់បារាំងនឹងមិនមានបញ្ហាក្នុងការចំណាយប្រាក់សម្រាប់ខ្សែការពារកំពូលរូបនេះដែរ៕
