បរទេស៖ នេះបើយោងតាមការចេញផ្សាយរបស់ FootMercato បានអោយដឹងថាក្លឹប Napoli បានដាក់តំលៃ ១៥០លាអឺរ៉ូ សម្រាប់ខ្សែប្រយុទ្ធ Victor Osimhen ហើយពួកគេក៏មិនទទួលយកតម្លៃណាមួយដែលទាបជាងនេះផងដែរ។ តាមប្រភពដដែរបានបន្ថែម ខណៈពេលដែលកីឡាករសញ្ជាតិនីហ្សេរីយ៉ា នៅលស់កុងត្រាជាមួយនឹងក្លឹបរហូតដល់ឆ្នាំ ២០២៥ក៏ដោយ ក៏គាត់អាចនឹងចាកចេញពីទឹកដីអ៊ីតាលីនៅរដូវក្តៅនេះ។
ទាំងក្លឹប Chelsea និង Manchester United កំពុងសម្លឹងមើលខ្សែប្រយុទ្ធ ដែលមានតម្លៃថ្លៃរូបនេះ សម្រាប់ទីផ្សារដោះដូរកីឡាករខាងមុខ។ ប៉ុន្តែក្លឹបតោខៀវ ហាក់មានបញ្ហាទៅលើហរិញ្ញវត្ថុបន្តិច ក្រោយក្លឹបបានចំណាយលុយយ៉ាងច្រើនក្នុងការទិញកីឡាករកន្លងមក។ ស្របនេះក្លឹប PSG ក៏បានចូលខ្លួនមកប្រជែងយក Osimhen ប៉ុន្តែខ្សែប្រយុទ្ធរូបនេះមានបំណងចង់មកលេងនៅអង់គ្លេសច្រើនជាង៕
