កិច្ចសន្យារបស់ Messi ជាមួយ PSG នឹងបញ្ចប់នៅរដូវក្តៅ ហើយទោះបីជាការពិភាក្សាបន្តកុងត្រាថ្មីកំពុងរៀបចំក៏ដោយ ប៉ុន្តែកិច្ចព្រមព្រៀងចុងក្រោយមិនទាន់ដំណើរការនៅឡើយទេ។
បើយោងតាម Marca បានអោយដឹងថា Al-Hilal កំពុងរៀបចំសំណើមួយសម្រាប់ Messi ដោយផ្ដល់ប្រាក់ 220 លានអឺរ៉ូក្នុងមួយឆ្នាំ។ ពួកគេបានព្យាយាមផ្ដល់ជូនកីឡាករអាហ្សង់ទីនពី Paris Saint-Germain ច្រើនជាងអ្វីដែល Ronaldo ទទួលបានពី Al-Nassr ទៅទៀត ។
ប៉ុន្តែមានរបាយការណ៍មួយលើកឡើងថាកីឡាករវ័យ 35 ឆ្នាំរូបនេះចង់បន្តលេងនៅ Champions League យ៉ាងហោចណាស់មួយរដូវកាលទៀត។ Messi ក៏ត្រូវបានគេប្រាប់ថា គាត់បដិសេធក្លឹប Inter Miami របស់ MLS សម្រាប់ហេតុផលដូចគ្នានេះដែរ៕
