កីឡាករ Stefan Bajcetic របស់ Liverpool នឹងអវត្តមានពេញមួយរដូវកាល ដោយសារបញ្ហារបួស។
កាលពីថ្ងៃព្រហស្បតិ៍ Bajcetic បានបង្ហោះលើ Instagram ថា៖ «ជាអកុសលរបួសរបស់ខ្ញុំ នឹងធ្វើឲ្យខ្ញុំសម្រាកព្យាបាលរហូតដល់ចប់រដូវកាល»។
«វាជារឿងសោកសៅណាស់ក្នុងការបញ្ចប់ជាមួយរដូវកាលដ៏អស្ចារ្យនេះសម្រាប់ខ្ញុំ ប៉ុន្តែវាធ្វើអោយខ្ញុំយល់ថានេះគឺជាបាល់ទាត់ ហើយវាធ្វើឱ្យខ្ញុំរឹងមាំទាំងផ្លូវកាយ
និងផ្លូវចិត្ត»។
«ខ្ញុំក៏ចង់អរគុណហង្សក្រហមសម្រាប់ការគាំទ្រពេញមួយរដូវកាល ហើយខ្ញុំសន្យាថា ខ្ញុំនឹងប្រឹងប្រែងឱ្យអស់ពីសមត្ថភាព ដើម្បីត្រលប់មកវិញជាមួយកាយសម្បទារឹងមាំជាងមុន»៕
