អ្នកកាសែត Sky Sports លោក Florian Plettenberg បានរាយការណ៍ថា Benjamin Pavard នៅតែអាចចាកចេញពី Bayern Munich នៅចុងបញ្ចប់នៃរដូវកាលនេះ។
របាយការណ៍ពីមុនបាននិយាយថា Pavard រីករាយក្នុងការបន្តជាមួយក្លឹបយក្ស Bayern Munich បើទោះបីជាគាត់ចង់ចាកចេញពីក្លឹបក្នុងទីផ្សារដោះដូរកីឡាករខែមករា។ Bayern ក៏កំពុងសម្លឹងមើលការផ្តល់ជូនគាត់នូវការបន្តកិច្ចសន្យាផងដែរ។
ប៉ុន្តែយោងទៅតាម Plettenberg ខ្សែការពារសញ្ជាតិបារាំងអាចនឹងត្រូវបានបាត់ចេញពីបញ្ជីឈ្មោះរបស់ Bayern ប៉ុន្តែគាត់ជាខ្សែការពារស្លាបដ៏ឆ្នើមម្នាក់ដែលមានក្លឹបជាច្រើនដូចជា Chelsea, Inter Milan និង Barcelona ចង់ចុះហត្ថលេខាលើរូបគាត់។
គួររំលឹកផងដែរថា ក្លឹបយក្សអាល្លឺម៉ង់កំពុងពិចារណា ក្នុងការបន្តកុងត្រារបស់កីឡាករជើងចាស់រូបនេះ ឬត្រូវលក់គាត់ជាជាងការបាត់បង់គាត់ ដោយមិនមានតម្លៃខ្លួន៕
