កីឡាករ Greenwood ដែលជាខ្សែប្រយុទ្ធរបស់ក្លឹប Man Utd មិនទាន់បានចូលរួមលេងអោយក្លឹបចាប់តាំងពីមានរឿងអាស្រូវនៅក្នុងខែមករា 2022 ។
Greenwood ជាកីឡាករដែលមានប្រាក់ចំណូល 100,000 ផោនក្នុងមួយសប្តាហ៍ ហើយបានជាប់កិច្ចសន្យាជាមួយ Man Utd រហូតដល់ឆ្នាំ 2025 ឥឡូវនេះគាត់នៅតែមិនអាចលេង និងហ្វឹកហាត់ឱ្យក្រុមបិសាចក្រហមបាន ខណៈពេលដែលគាត់កំពុងស្ថិតក្រោមការស៊ើបអង្កេត។
របាយការណ៍បច្ចុប្បន្នបានឲ្យដឹងថា ក្លឹបនៅប្រទេសទួរគីកំពុងធ្វើការសាកសួរអំពីកិច្ចព្រមព្រៀងខ្ចីជើងសម្រាប់ខ្សែប្រយុទ្ធរូបនេះ នេះបើយោងតាមសារព័ត៌មាន Telegraph ។
បើតាមរបាយការណ៍នាពេលនេះ Man United មិនទាន់បានយល់ព្រមលើកិច្ចព្រមព្រៀងផ្ទេរកីឡាកររូបនេះជាមួយក្លឹបណាមួយនោះទេ៕
