ខ្សែការពារមាឌធំសញ្ជាតិអង់គ្លេស បានរងការរិះគន់យ៉ាងខ្លាំងពីសំណាក់អ្នកគាំទ្រ Manchester United ចាប់តាំងពីការផ្ទេរក្នុងទំហំទឹកប្រាក់ដ៏ច្រើនរបស់គាត់ពី Leicester City ក្នុងឆ្នាំ 2019។ កីឡាករវ័យ 29 ឆ្នាំរូបនេះបានធ្លាក់ចេញពីការពេញចិត្តរបស់អ្នកចាត់ការ Ten Hag នៅរដូវកាលនេះ ហើយប្រឈមមុខនឹងកិច្ចការដ៏ច្រើនដើម្បីដណ្តើមតំណែងរបស់គាត់ឡើងវិញ។
យោងតាមការចុះផ្សាយរបស់ The Mirror បានឲ្យដឹងថាក្លឹប West Ham United គ្រោងនឹងខ្ចីជើងខ្សែការពាររបស់ Man Utd កីឡាករ Harry Maguire។
បិសាចក្រហមសុខចិត្តឱ្យគាត់ចាកចេញក្នុងខែមករានេះ ហើយក្រុមញញួរធំចាប់អារម្មណ៍។ West Ham United កំពុងស្វែងរកខ្សែការពារកណ្តាលថ្មីដើម្បីជំនួសតំណែងរបស់ Craig Dawson ដែលអាចនឹងត្រូវចាកចេញ។ Maguire ស្ថិតក្នុងចំណោមកីឡាករមួយចំនួនដែលកំពុងស្ថិតក្រោមការពិចារណា៕
