ប្រធានក្លឹប Porto លោក Pinto da Costa បានអះអាងថា គ្មានក្លឹបព័រទុយហ្គាល់ណាមួយមានប្រាក់គ្រប់គ្រាន់ ដើម្បីចុះហត្ថលេខាលើកីឡាករ Cristiano Ronaldo នោះទេ។
Ronaldo បច្ចុប្បន្នគ្មានក្លឹបនៅឡើយទេ បន្ទាប់ពីគាត់ និង Manchester United បានព្រមព្រៀងគ្នាបញ្ចប់កុងត្រាមុនពេលកំណត់។
លោក Pinto da Costaបានប្រាប់ Record ថា៖ «វាអាស្រ័យលើគាត់ ហើយក្លឹបចាប់អារម្មណ៍។ ប៉ុន្តែនៅក្នុងប្រទេសព័រទុយហ្គាល់ គ្មាននរណាម្នាក់មានសមត្ថភាពផ្តល់ឱ្យគាត់នូវអ្វីដែលគាត់រកបាន និងចង់បាននោះទេ»។
មានការលើកឡើងថា Ronaldo នឹងសុខចិត្តកាត់បន្ថយប្រាក់ខែដើម្បីបន្តលេងនៅទ្វីបអឺរ៉ុប ដោយមានក្លឹបមួយចំនួនហ៊ានផ្តល់ប្រាក់បៀវត្សរ៍ត្រឹមតែ 80,000 ផោនក្នុងមួយសប្តាហ៍ប៉ុន្នោះ ដែលវាជាចំនួនដ៏តិចតួច៕
