Georgina Rodriguez កំពុងទទួលបានការបង្វឹកជាសម្ងាត់ដោយអ្នកប្រដាល់ MMA Lincoln Strong មុនពេលចូលរួមជាមួយ Cristiano Ronaldo នៅ FIFA World Cup 2022។
ការប្រកួត World Cup នៅប្រទេសកាតា អាចជាការប្រកួតចុងក្រោយរបស់ Ronaldo ក្នុងអាជីពរបស់គាត់។ កីឡាករព័រទុយហ្គាល់បច្ចុប្បន្នមានអាយុ៣៧ឆ្នាំ។ មកទល់នឹងពេលនេះទម្រង់លេងរបស់គាត់បានធ្លាក់ចុះសម្រាប់ Manchester United ដោយស៊ុតបញ្ចូលទីបានតែពីរគ្រាប់ប៉ុណ្ណោះ និងបញ្ជូនបាល់ឱ្យមិត្តរួមក្រុមបញ្ចប់ទីបានតែមួយគ្រាប់ក្នុងការប្រកួតចំនួន 12 លើក។
ទោះបីជាយ៉ាងណាក៏ដោយ ម្ចាស់ពានរង្វាន់ Ballon d’Or ប្រាំសម័យនៅតែជាក្តីសង្ឃឹមដ៏ធំបំផុតរបស់ប្រទេសព័រទុយហ្គាល់សម្រាប់លទ្ធផលវិជ្ជមាននៅក្នុងប្រទេសកាតា។ Georgina Rodriguez នឹងមានវត្តមានសម្រាប់ការប្រកួត FIFA World Cup 2022 ខណៈដែលនាងនឹងទៅចូលរួមដើម្បីលើកទឹកចិត្ត Cristiano Ronaldo ។
តារាម៉ូដែលជនជាតិអេស្បាញរូបនេះកំពុងពង្រឹងជំនាញក្បាច់គុនចម្រុះរបស់នាង ដោយការហ្វឹកហាត់ជាមួយ Lincoln Strong ដើម្បីរក្សាសុវត្ថិភាពរបស់ខ្លួននាងនៅពេលធ្វើដំណើរ៕
