ពោធិ៍សាត់: កាលពីថ្ងៃ២៥ ខែតុលា ឆ្នាំ២០២២ វេលាម៉ោង១៦និង៣០នាទី កម្លាំងប៉ុស្តិ៍នគរបាលរដ្ឋបាលថ្មដាបានចុះបង្ក្រាបករណីលេងល្បែងសុីសងខុសច្បាប់ (បៀសន្លឹក) និងបានឃាត់ខ្លួនអ្នកលេងល្បែងចំនួន៥ ស្រី៤នាក់ ស្ថិតក្នុងភូមិសង្គមថ្មី ឃុំថ្មដា ស្រុកវាលវែង។
យោងតាមរបាយការណ៍របស់ មន្ត្រីប៉ុស្តិ៍នគរបាលរដ្ឋបាលថ្មដា បានឲ្យដឹងថា ក្នុងករណីបង្ក្រាបនេះសមត្ថកិច្ចបានឃាត់ខ្លួន អ្នកលេងល្បែងស្រីប្រុសចំនួន៥នាក់: -១ឈ្មោះស៊ន ចិន្តា ភេទ ស្រី អាយុ ៤៤ ឆ្នាំរស់នៅភូមិឯកភាព ឃុំថ្មដា -២ឈ្មោះមួយ សារ៉ន ភេទ ស្រី អាយុ ៤២ ឆ្នាំរស់នៅភូមិសង្គមថ្មី ឃុំថ្មដា -៣ឈ្មោះគូ ស្រីម៉ាច ភេទ ស្រី អាយុ ៣៧ ឆ្នាំរស់នៅភូមិកណ្តាល ឃុំថ្មដា -៤ឈ្មោះឃាម ថន ភេទ ស្រី អាយុ ៤៨ ឆ្នាំរស់នៅភូមិកណ្តាល ឃុំថ្មដា-៥ឈ្មោះប៉ង ផា (ម្ចាស់ផ្ទះ) ភេទ ប្រុស អាយុ ៤០ ឆ្នាំរស់នៅភូមិសង្គមថ្មី ឃុំថ្មដា។ និងវត្ថុតាំងរួមមាន: បៀចំនួន២ហួរ ស្មើនឹង១០៤សន្លឹក,ស្បែកជើងចំនួន៤គួរ,កម្រាលភួយពណ៍ខៀវចំនួន១។
បច្ចុប្បន្នអ្នកលេងល្បែងទាំង៥នាក់ ត្រូវបានកម្លាំងប៉ុស្តិ៍នគរបាលរដ្ឋបាលថ្មដា និងមានការចូលរួមពីលោកក្រុមប្រឹក្សាឃុំ លោកមេភូមិបានធ្វើការអប់រំ និងហាមឃាត់ពួកគាត់មិនឲ្យប្រព្រឹត្តទៀត។ ក្រោយពីការធ្វើការអប់រំចប់សមត្ថកិច្ច បានអោយពួកគាត់ត្រឡប់ទៅគេហដ្ឋានវិញ៕
ប្រភព៖ អគ្គស្នងការដ្ឋាននគរបាលជាតិ
