វាជារឿងមួយដ៏ភ្ញាក់ផ្អើលអ្នកអ្នកចាំទីដៃស្អិតទាំងពីរគឺ Alisson និង Ederson មិនបានជាប់ឈ្មោះជាអ្នកចាំទីល្អបំផុតទាំងប្រាំរបស់វីរបុរសអ៊ីតាលី Gianluigi Buffon។
អ្នកចាំទីជើងចាស់របស់អ៊ីតាលីបានចូលរួមព្រឹត្តិការណ៍មួយដែលរៀបចំដោយ La Gazzetta dello Sport ។ Buffon បានជ្រើសរើសអ្នកចាំទីសញ្ជាតិបែលហ្ស៊ិក Thibaut Courtois ជាអ្នកចាំទីល្អបំផុតនាពេលបច្ចុប្បន្នក្នុងពិភពលោក។ មិត្តរួមជាតិរបស់គាត់គឺ Gianluigi Donnarumma របស់ Paris Saint-Germain ស្ថិតនៅលំដាប់ទីពីរ។
អ្នកចាំទីសញ្ជាតិអាល្លឺម៉ង់ Manuel Neuer របស់ក្លឹប Bayern Munich ជាប់ចំណាត់ថ្នាក់លេខ 3 ខណៈដែលអ្នកចាំទីសញ្ជាតិស្លូវេនី Jan Oblak របស់ Atletico Madrid ជាប់ចំណាត់ថ្នាក់លេខ 4 ហើយ Mike Maignan របស់ AC Milan ឈរនៅក្នុងចំណាត់ថ្នាក់ទី 5 របស់ Buffon ។
គួររំលឹកឡើងវិញដែរថា Gianluigi Buffon បានចូលរួមជាមួយ Juventus នៅអាយុ 23 ឆ្នាំក្នុងឆ្នាំ 2001។ គាត់បានបង្ហាញខ្លួនចំនួន 685 លើកសម្រាប់ក្រុមសេះបង្កង់ ដោយឈ្នះពានរង្វាន់ Serie A ចំនួនដប់ដង៕
