យោងតាម Football-Italia បានឲ្យដឹងថា Romelu Lukaku សប្បាយចិត្តបន្ទាប់ពីបានត្រលប់ទៅ Inter Milan វិញនៅរដូវក្តៅនេះ ហើយមិនមានគម្រោងត្រលប់ទៅ Chelsea វិញទេ នៅពេលដែលកិច្ចសន្យាខ្ចីជើងរបស់គាត់បានបញ្ចប់ ។
កីឡាករសញ្ជាតិបែលហ្ស៊ិករូបនេះបានត្រលប់ទៅកីឡដ្ឋាន Stamford Bridge កាលពីឆ្នាំមុនក្នុងកិច្ចព្រមព្រៀងដ៏ភ្ញាក់ផ្អើលមួយ ដែលក្លឹបតោខៀវចំណាយប្រាក់ចំនួន 97.5 លានផោនក្នុងថ្លៃផ្ទេរ។ អ្វីៗមិនដំណើរការល្អដូចការគ្រោងទុក ហើយគាត់បានបាត់បង់ទំនុកចិត្តជាមួយអ្នកចាត់ការទូទៅ Chelsea លោក Thomas Tuchel នៅពាក់កណ្តាលរដូវកាលទីពីរ។
គួររំលឹកឡើងវិញដែរថា Lukaku បានបញ្ចប់យុទ្ធនាការឆ្នាំ 2021-22 ដោយរកបាន 8 គ្រាប់ និង Assist មួយគ្រាប់ក្នុង 26 ប្រកួតក្នុងលីក៕
