Youri Tielemans ត្រូវបានផ្សារភ្ជាប់ជាមួយនឹងការផ្លាស់ទៅ Arsenal ក្នុងរដូវក្តៅ ប៉ុន្តែក្រុមកាំភ្លើងធំបានបន្ថយការចាប់អារម្មណ៍របស់ពួកគេនៅពេលបន្ទាប់មក។ យ៉ាងណាក៏ដោយ កីឡាករបែលហ្ស៊ិករូបនេះបានទទូចថា គាត់មិនមានការសោកស្ដាយចំពោះការសម្រេចចិត្តបន្តនៅក្លឹបចាស់របស់គាត់ឡើយ។
គាត់បាននិយាយទៅកាន់ Sky Sports ថា៖ «ខ្ញុំមិននិយាយអ្វីច្រើនពេក អំពីស្ថានភាពកិច្ចសន្យារបស់ខ្ញុំនៅពេលនេះទេ។ ខ្ញុំមិនបានចាកចេញពី Leicester នៅរដូវក្តៅ ដូចដែលខ្ញុំតែងតែនិយាយថាវាជាការសម្រេចចិត្តត្រឹមត្រូវ។ បើទោះបីជានៅពេលនេះអ្វីៗកាន់តែអាក្រក់ទៅៗនៅ Leicester ក៏ខ្ញុំមិនស្តាយក្រោយក្នុងការសម្រេចចិត្តបន្តស្នាក់នៅក្លឹបមួយនេះដែរ»៕
