យោងតាមសារព័ត៌មានអេស្ប៉ាញ El Nacional បានឱ្យដឹងថា Lionel Messi មិនសប្បាយចិត្តដែលប្រធាន PSG លោក Nasser Al-Khelaifi បដិសេធមិនចុះហត្ថលេខាលើតារាឆ្នើមរបស់ Barcelona កីឡាករ Jordi Alba នៅរដូវក្តៅនេះ។
ជាក់ស្តែងក្រុម Catalans កំពុងតែស្វែងរកច្រកចេញសម្រាប់គាត់ ដោយគ្រូបង្វឹកលោក Xavi ក៏ប្រើប្រាស់គាត់តិចតួចដែរនៅរដូវកាលនេះ ដោយពេញចិត្តកីឡាករ Alejandro Balde វ័យ 19 ឆ្នាំជាងគាត់។
Alba បានបង្ហាញខ្លួនចំនួន 3 ដងនៅ La Liga មកទល់ពេលនេះ ដោយចាប់ផ្តើមក្នុងជម្រើសដំបូងតែម្តងគត់ និងសរុបនាទីលេងបានត្រឹមតែ 126 នាទីប៉ុណ្ណោះ ខណៈដែលអនាគតរបស់គាត់នៅក្លឹបកំពុងស្ថិតក្នុងភាពមិនច្បាស់លាស់។
Lionel Messi បានដឹងពីការប៉ុនប៉ងរបស់ Barcelona ក្នុងការដកកីឡាកររូបនេះ ហើយត្រូវបានគេរាយការណ៍ថាគាត់ចង់ឱ្យ PSG ចុះហត្ថលេខាលើអតីតមិត្តរួមក្រុមរបស់គាត់។
ទោះបីជាយ៉ាងណាក៏ដោយ El Nacional បានរាយការណ៍បន្ថែមទៀតថា Al-Khelaifi មានអារម្មណ៍ថាកម្រិតនៃការលេងរបស់ Alba ក្នុងរយៈពេលប៉ុន្មានឆ្នាំចុងក្រោយនេះមិនគួរឱ្យចាប់អារម្មណ៍ទេ ខណៈពេលដែលខ្សែការពារឆ្វេងរូបនេះកំពុងខិតជិតចូលនិវត្តន៍។
ទោះបីជាមានការខកចិត្តចំពោះក្លឹបរបស់គាត់ដែលបដិសេធការផ្លាស់ប្តូរសម្រាប់អតីតមិត្តរួមក្រុមរបស់គាត់ក៏ដោយក៏ Messi ទទួលយកការសម្រេចចិត្តរបស់ពួកគេ។
ទោះបីជាការផ្លាស់ទៅ PSG ក្លាយជាការពិតក៏ដោយ ឱកាសរបស់ Alba ក្នុងការចូលទៅក្នុងក្រុមដំបូងនឹងមានតិចតួច ខណៈដែលគ្រូបង្វឹក Christophe Galtier ជឿជាក់លើ Nuno Mendes ដែលជាខ្សែការពារឆ្វេង។
គាត់ក៏មាន Juan Bernat ជាជម្រើសក្នុងតំណែងនោះ ខណៈដែល Achraf Hakimi និង Presnel Kimpembe ក៏មានសមត្ថភាពប្រតិបត្តិការលើទីតាំងខ្សែការពារឆ្វេងផងដែរ។
Alba នៅសល់កុងត្រារយៈពេល 2 ឆ្នាំទៀតជាមួយ Barcelona ប៉ុន្តែពេលវេលារបស់គាត់ក្នុងនាមជាក្រុមដំបូងហាក់ដូចជាចប់ហើយ កីឡាករចំណូលថ្មី Marcos Alonso ក៏ហាក់ដូចជានាំមុខគាត់ស្ទើរគ្រប់ការប្រកួត៕
