Cristiano Ronaldo បានរិះរកគ្រប់មធ្យោបាយដើម្បីចាកចេញពី Manchester United ពេញមួយរដូវក្ដៅនេះ ប៉ុន្តែការខិតខំរបស់គាត់ទទួលបានជោគជ័យតិចតួចបំផុតមកទល់នឹងពេលនេះ។ តារាឆ្នើមសញ្ជាតិព័រទុយហ្គាល់មិនពេញចិត្តជាមួយនឹង Man Utd ក្នុងដំណាក់កាលចាប់ផ្តើមនៃទីផ្សារដោះដូរកីឡាកររដូវក្តៅ ហើយចង់ចាកចេញក្លឹប។
Manchester United មានការប្រកួតដ៏អាក្រក់បំផុតក្នុងរដូវកាល 2021-22 ហើយបានបាត់បង់កៅអីក្នុងការប្រកួត Champions League បន្ទាប់ពីបានបញ្ចប់ក្នុងចំណាត់ថ្នាក់លេខ 6 ក្នុងតារាង Premier League ។ Ronaldo បានជាប់ឈ្មោះជា«Sir Matt Busby Player of the Year» នៅ Manchester United កាលពីរដូវកាលមុន ហើយបែរជាមានចេតនាចង់ចាកចេញពីក្លឹបនៅរដូវក្តៅនេះ។
ទោះជាយ៉ាងណាក៏ដោយ ដោយសារតែបញ្ហាអាយុ និងតម្លៃពលកម្មរបស់គាត់ ក្រុមជាច្រើនមិនបើកចំហរក្នុងការទទួលយកកីឡាករវ័យ 37 ឆ្នាំរូបនេះទេ បើទោះបីជាគាត់បានប្រកាសកាត់បន្ថយប្រាក់ឈ្នួលពលកម្មរបស់គាត់ក៏ដោយ។ បច្ចុប្បន្នមានក្លឹបចំនួន 5 ដែលបានបដិសេធតារាឆ្នើម Manchester United នៅរដូវក្តៅនេះដែលរួមមានដូចជា៖ Borussia Dortmund, Atletico Madrid, Paris Saint-Germain, Bayern Munich និងតោខៀវ Chelsea៕
