បរទេស៖ នេះបើយោងតាមការចេញផ្សាយរបស់លោក Fabrizio Romano អ្នកសារព័ត៌មានកីឡាដ៏ល្បីល្បញម្នាក់ បានអោយដឹងថាអ្នកគ្រប់គ្រង់ក្លឹប Wolves លោក Bruno Lage បានបញ្ជាក់ថា “ខ្ញុំពិតជាសប្បាយចិត្តនៅពេលដែខ្សែបម្រើ Ruben Neves បន្តស្នាក់នៅជាមួយនឹងយើង។ ពួកយើងនឹងផ្តល់កុងត្រាថ្មីអោយគាត់ ហើយពេលនេះក្រុមការងារយើងបាននឹងកំពុងធ្វើការលើរឿងនេះ”។
លោកបានបន្ថែមទៀតថា “អ្នកគាំទ្របាននាំគ្នាច្រៀង ដើម្បីអោយពួកយើងរក្សាទុក Ruben។ ពួកយើងបានព្យាយាមធ្វើគ្រប់យ៉ាងដើម្បីរក្សាទុក Ruben ហើយក៏បានចាប់ផ្តើមរដូវកាលថ្មីជាមួយនឹងគាត់”។
គួរបញ្ជាក់ថាខ្សែបម្រើ Ruben Neves គឺធ្លាប់មានព័ត៌មានលេចលឺជាច្រើននៅការចាប់អារម្មណ៍ពីសំណាក់ក្លឹប Man Utd ប៉ុន្តែមកដល់ពេលនេះមិនទាន់មានអ្វីថ្មីកើតមានឡើងនោះឡើយ៕
