បរទេស៖ នេះបើយោងតាមការចេញផ្សាយរបស់អ្នកសារព័ត៌មានកីឡាករដ៏ល្បីល្បាញម្នាក់ គឺលោក Fabrizio Romano បានអោយដឹងថាខ្សែបម្រើសជម្រើសជាតិបារាំង កីឡាករ Adrien Rabiot បានត្រូវធ្វើការទាក់ទង់ដោយផ្ទាល់តាមរយៈទូរស័ព្ទពីគ្រូបង្វឹកក្រុមបិសាចក្រហម Manchester United លោក Erik ten Hag កាលពីថ្ងៃចន្ទកន្លងទៅនេះ។
នេះអាចជាការបើកផ្លូវដំបូងសម្រាប់ការចរចាមួយនេះ មុននឹងខាងក្លឹប Man Utd នឹងធ្វើពិភាក្សាបន្តជាមួយនឹងម្តាយរបស់កីឡាកររូបនេះ គឺលោកស្រី Veronique អំពីកុងត្រា។ ហើយក្នុងការការពិភាក្សារវាងក្លឹប Man Utd និង Juventus ក៏នឹងបន្តធ្វើឡើងនៅថ្ងៃនេះផងដែរ។
គួរបញ្ជាក់ផងដែរថាលោក Erik ten Hag បាននឹងកំពុងសម្លឹងមើលកីឡាករខ្សែបម្រើជាច្រើនរូប ដើម្បីយកមកពង្រឹងក្រុមរបស់លោក។ ស្របពេលនេះក្លឹប Juventus ក៏មានបំណង់ចង់លក់ចេញនៅខ្សែបម្រើសញ្ជាតិបារាំងម្នាក់នេះដែរ៕
