Manchester United ត្រូវបានគេរាយការណ៍ថាបានប្រាប់ Cristiano Ronaldo ថាគាត់នឹងមិនអនុញ្ញាតឱ្យចាកចេញពីក្លឹបនៅរដូវក្តៅនេះទេ។ បិសាចក្រហមបានទទូចលើការរក្សាតារាព័រទុយហ្គាល់នៅ Old Trafford បន្ទាប់ពីកិច្ចពិភាក្សាកាលពីម្សិលមិញ។
Erik ten Hag មិនមានគម្រោងចែកផ្លូវជាមួយខ្សែប្រយុទ្ធចាស់វស្សារូបនេះនោះទេ ហើយកំពុងទន្ទឹងរង់ចាំធ្វើការជាមួយគាត់។ The Telegraph បានរាយការណ៍ថាអ្នកចាត់ការសញ្ជាតិហូឡង់ បានបដិសេធមិនអនុញ្ញាតឱ្យតារាឆ្នើមព័រទុយហ្គាល់ចាកចេញពីក្លឹបនៅរដូវក្តៅនេះទេ។
Ronaldo បាននិយាយអំពី Ten Hag នៅពេលដែលក្លឹបបានប្រកាសពីការតែងតាំងរបស់គាត់ ហើយបានអះអាងថាគាត់ទន្ទឹងរង់ចាំធ្វើការជាមួយអ្នកចាត់ការហូឡង់។ គាត់ត្រូវបានដកស្រង់សម្តីដោយគេហទំព័រផ្លូវការរបស់ក្លឹបថា៖
«អ្វីដែលខ្ញុំដឹងអំពីគាត់ គឺគាត់បានធ្វើការងារដ៏អស្ចារ្យសម្រាប់ Ajax គាត់ជាគ្រូបង្វឹកដែលមានបទពិសោធ។ ខ្ញុំសង្ឃឹមថាយើងនឹងទទួលបានជោគជ័យ ព្រោះប្រសិនបើ ten Hag ទទួលបានជោគជ័យ នោះ Man Utd ទាំងមូលក៏ជោគជ័យដែរ។ ខ្ញុំសូមជូនពរឱ្យគាត់ទទួលបានជោគជ័យ ពួកយើងសប្បាយចិត្ត និងរំភើប មិនត្រឹមតែកីឡាករប៉ុណ្ណោះទេ ថែមទាំងអ្នកគាំទ្រផងដែរ។ ខ្ញុំសូមជូនពរឱ្យគាត់ទទួលបានជោគជ័យ ហើយជឿជាក់ថា ឆ្នាំក្រោយយើងនឹងឈ្នះពានរង្វាន់»៕
