ខ្សែប្រយុទ្ធ Marcus Rashford របស់ក្រុម Manchester United បានបង្ហើបអំពីក្រុមដែលគាត់មិនចូលចិត្តនៅក្នុងក្របខ័ណ្ឌ Premier League ។
វាមិនមែនជារឿងដ៏គួរឲ្យភ្ញាក់ផ្អើលទេ ដោយកីឡាករអន្តរជាតិអង់គ្លេសរូបនេះបានលើកអំពីឈ្មោះគូប្រជែង Liverpool ថាជាក្រុមដែលគាត់មិនពេញចិត្តខ្លាំងបំផុត។
កីឡាករវ័យ 24ឆ្នាំរូបនេះ ក៏បានបង្ហាញពីក្រុមដែលគាត់មិនចូលចិត្តខ្លាំងបំផុតទីពីរ គឺ Manchester City។
Rashford បានសារភាពថា ទោះបីជាមានការប្រជែងគ្នាក្នុងតំបន់រវាងក្លឹប Manchester ទាំងពីរក៏ដោយ Liverpool គឺជាគូប្រជែងដ៏អស្ចារ្យបំផុតសម្រាប់គាត់។
ខ្សែប្រយុទ្ធដែលមានដើមកំណើតនៅ Manchester បានទទូចថា ភាពជូរចត់នៃការប្រកួតប្រជែងរវាង Manchester United និង Liverpool គឺនៅកម្រិតខុសគ្នាទាំងស្រុងដោយសារតែប្រវត្តិរបស់ពួកគេ។
Rashford បានប្រាប់ YouTube Channel Uninterrupted ថា៖ «ខ្ញុំមិនចូលចិត្ត Liverpool និង Man City ទេ ដោយសារឥទ្ធិពលរបស់អ្នកគាំទ្រក្លឹបទាំងពីរ បានដាក់សម្ពាធលើការប្រកួតរបស់យើង»៕
