មិនមានដែនកំណត់ចំពោះមហិច្ឆតារបស់ Tottenham Hotspur នៅក្នុងទីផ្សារដោះដូរកីឡាករនេះទេ ហើយនេះបង្ហាញឱ្យឃើញពីការចាប់អារម្មណ៍របស់ក្លឹបក្នុងការចុះហត្ថលេខាលើកីឡាករ Rodrigo de Paul របស់ Atletico Madrid ។
ក្លឹបបានគាំទ្រលោក Antonio Conte នៅក្នុងទីផ្សារនេះ ខណៈដែលពួកគេបានចុះហត្ថលេខាលើកីឡាករចំនួន 5 នាក់រួចហើយ និងកំពុងស្វែងរកការពង្រឹងក្រុមរបស់ពួកគេបន្ថែមទៀត។
យោងតាមលោក Giacomo Iacobellis អ្នកកាសែតរបស់ TuttoMercatoWeb បានឲ្យដឹងថា Tottenham បានទូរស័ព្ទទៅ De Paul ដើម្បីបង្ហាញអំពីចំណាប់អារម្មណ៍របស់ពួកគេ។ ក្លឹប Fiorentina របស់ Serie A ក៏បានសាកសួរអំពី De Paul ហើយខ្សែបម្រើ Atletico Madrid បានច្រានចោលសំណើរជាច្រើនរួចទៅហើយ។
គួររំលឹកឡើងវិញដែរថា De Paul បានចូលរួមជាមួយ Atletico Madrid កាលពីរដូវក្តៅមុនពី Udinese ក្នុងការផ្លាស់ប្តូរតម្លៃ 35 លានអឺរ៉ូ។ ខ្សែបម្រើរូបនេះបានក្លាយជាកីឡាករសំខាន់នៅក្នុងប្រព័ន្ធរបស់លោក Diego Simeone ដោយបានបង្ហាញខ្លួនសរុបចំនួន 48 ដងនៅក្នុងយុទ្ធនាការដំបូងរបស់គាត់ ដោយរកគ្រាប់បាល់បាន 4 គ្រាប់ និង assists ចំនួនពីរដង៕
