ខ្សែបម្រើ Olympique Lyonnais គឺជាគោលដៅរយៈពេលវែងសម្រាប់ក្រុមកាំភ្លើងធំ។ ទោះជាយ៉ាងណាក៏ដោយគាត់បានបរាជ័យក្នុងការផ្លាស់ប្តូរទៅ Emirates កាលពី 2 ឆ្នាំមុន នេះបើយោងតាមការចេញផ្សាយរបស់កាសែត The Mirror ។
ខ្សែបម្រើសញ្ជាតិបារាំង Houssem Aouar នៅតែសង្ឃឹមថា Arsenal នឹងខិតខំប្រឹងប្រែងដើម្បីចុះហត្ថលេខាលើរូបគេនៅរដូវក្តៅនេះម្តងទៀត។ ទោះបីជាយ៉ាងណាក៏ដោយ របាយការណ៍បានអះអាងថា Aouar កំពុងរង់ចាំការផ្លាស់ប្តូរទៅកាន់ Premier League ហើយមិនចាប់អារម្មណ៍ចំពោះគំនិតនៃការចូលរួមជាមួយក្រុមអេស្ប៉ាញនោះទេ។
ដូចដែលបានរាយការណ៍ដោយ Football.London ក្លឹប Lyon អាចលក់ខ្សែបម្រើរូបនេះក្នុងតម្លៃត្រឹមតែ 15 លានអឺរ៉ូ (12.6 លានផោន)។ Aouar បានលេងសរុបចំនួន 44 ប្រកួតនៅគ្រប់ការប្រកួតទាំងអស់ក្នុងអំឡុងយុទ្ធនាការឆ្នាំ 2021-22 ដោយស៊ុតបញ្ចូលទីបាន 8 គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបានចំនួន 4 ដង៕
