Paris Saint-Germain កំពុងស្វែងរកការបន្តកុងត្រាដល់ Lionel Messi នេះបើយោងតាមការចុះផ្សាយរបស់សារព័ត៌មាន MARCA។
វាជាការត្រឹមត្រូវក្នុងការនិយាយថា Lionel Messi មិនមានរដូវកាលល្អបំផុតសម្រាប់ PSG នោះទេ។ ខ្សែប្រយុទ្ធវ័យ 35 ឆ្នាំរូបនេះរកបាន 11 គ្រាប់ និង Assists 15 ដងពីការបង្ហាញខ្លួនចំនួន 34 ប្រកួតសម្រាប់ក្លឹបយក្សប៉ារីសនៅគ្រប់ការប្រកួតទាំងអស់។ យ៉ាងណាមិញ គ្រាប់បាល់ទាំងនោះមានតែ ៦គ្រាប់ប៉ុណ្ណោះដែលរកបាននៅ Ligue 1។
ហេតុផល 2យ៉ាងប៉ុណ្ណោះដែលក្លឹប Paris Saint-Germain ចង់បន្តកុងត្រាថ្មីដល់តារាឆ្នើមអាហ្សង់ទីន គីហេតុផលកីឡា ក៏ដូចជាហេតុផលហិរញ្ញវត្ថុអាចមានឥទ្ធិពលលើការសម្រេចចិត្តនេះ។
គួររំលឹកឡើងវិញដែរថា ជាលើកដំបូងក្នុងប្រវត្តិសាស្ត្ររបស់ពួកគេ PSG លក់បានជិតមួយលានអាវក្នុងរដូវកាល 2021-22 ដែលក្នុងនោះចំនួន 60% នៃអាវទាំងអស់ដែលបានលក់ គឺជាអាវរបស់ Messi ដែលមានលេខ 30 នៅខាងក្រោយ៕
