អ្នកកាសែត Fabrizio Romano បានបង្ហើបថា Chelsea ចាប់អារម្មណ៍ក្នុងការចុះហត្ថលេខាលើខ្សែការពារពីររូបបន្ថែមទៀត បន្ទាប់ពីចរចារបានសម្រេច ដើម្បីចុះហត្ថលេខាលើ Kalidou Koulibaly ។
អ្នកកាសែតជនជាតិអ៊ីតាលីរូបនេះ ក៏បានបញ្ជាក់ផងដែរថា ក្រុមតោខៀវបានយល់ព្រមលើកិច្ចព្រមព្រៀងតម្លៃ ៤០ លានអឺរ៉ូជាមួយក្លឹប Napoli សម្រាប់ការផ្ទេរ Kalidou Koulibaly។
លោក Romano បានអះអាងបន្ថែមទៀតថា Chelsea បាននឹងកំពុងតាមប្រមាញ់ Nathan Ake របស់ក្លឹប Manchester City និង Presnel Kimpembe របស់ក្លឹបអ្នកមានបារាំង Paris Saint-Germain។ អ្នកទាំងពីរត្រូវបានគេរាយការណ៍ថាជាអាទិភាពរបស់ Thomas Tuchel នៅក្នុងតំបន់ការពារខាងក្រោម សម្រាប់ទីផ្សារដោះដូរនៅរដូវក្តៅនេះ៕
