Barcelona ត្រូវបានគេរាយការណ៍ថាចាប់អារម្មណ៍លើកីឡាករម្នាក់របស់ Ajax និងជាខ្សែការពារឆ្វេងសញ្ជាតិអាហ្សង់ទីន Nicolas Tagliafico ។
យោងតាមអ្នកកាសែត Sky Sports លោក Lyall Thomas បានឲ្យដឹងថា Tagliafico នឹងមានតម្លៃត្រឹមតែ 5 លានអឺរ៉ូនៅរដូវក្តៅនេះ។ កិច្ចសន្យាបច្ចុប្បន្នរបស់កីឡាករវ័យ 29 ឆ្នាំជាមួយ Ajax នឹងផុតកំណត់នៅរដូវក្តៅក្រោយ។
ដោយសារតម្លៃដែលបានរាយការណ៍ Tagliafico ទំនងជាជម្រើសថោកជាងសម្រាប់ Barca បើប្រៀបធៀបទៅនឹងខ្សែការពារ Marcos Alonso របស់ Chelsea ។ ទោះបីជាយ៉ាងណាក៏ដោយ បើយោងតាមការចុះផ្សាយរបស់គេហទំព័រអេស្ប៉ាញ Sport បានឱ្យដឹងថា ក្រុមតោខៀវបានដាក់តម្លៃ 13 លានអឺរ៉ូលើ Alonso ។
គួររំលឹកឡើងវិញដែរថា ខ្សែការពារឆ្វេងដែលអាចលេងក្នុងតំបន់ការពារកណ្តាល បានបង្ហាញខ្លួន ៤០លើកឲ្យអាហ្សង់ទីន។ Tagliafico គឺជាផ្នែកមួយនៃក្រុមដែលឈ្នះពានរង្វាន់ Copa America ឆ្នាំ 2021 របស់ពួកគេ៕
