យោងតាម Football Insider ឲ្យដឹងថាខ្សែការពារស្តាំរបស់ Liverpool កីឡាករ Neco Williams បានយល់ព្រមលើលក្ខខណ្ឌផ្ទាល់ខ្លួនជាមួយក្លឹប Nottingham Forest ទោះបីជាយ៉ាងណា ហង្សក្រហមមិនទាន់ទទួលយកសំណើរដេញថ្លៃពីក្លឹបមួយនេះនៅឡើយនោះទេ។
ក្លឹប Liverpool បានច្រានចោលសំណើរដេញថ្លៃចំនួន 12 លានផោន ដោយក្លឹបហង្សក្រហមចង់បាន 15 លានផោនសម្រាប់កីឡាករវ័យក្មេងរបស់ពួកគេ។ ដូច្នេះហើយ Nottingham Forest អាចបន្តទៅគោលដៅផ្សេងទៀត ប្រសិនបើការចរចាមិនត្រូវបានសម្រេច។
ប្រសិនបើការផ្លាស់ប្តូរទៅកាន់ Nottingham Forest មិនកើតឡើងទេ Williams បានទទួលការចាប់អារម្មណ៍ពីភាគី Premier League ផ្សេងទៀតដូចជា Fulham និង Southampton ។
បញ្ជាក់ផងដែរថា Williams បច្ចុប្បន្នវ័យ 21 ឆ្នាំចង់ចាកចេញពី Liverpool ដើម្បីស្វែងរកពេលវេលាលេងជាក់លាក់។ គាត់ត្រូវបានខ្ចីជើងទៅ Fulham កាលពីខែមករាឆ្នាំនេះ។ គាត់បានជួយក្រុម The Cottagers ឱ្យឡើងទៅលេងក្របខ័ណ្ឌ Premier League ក្នុងរដូវកាលនេះ។ ខ្សែការពារស្តាំសញ្ជាតិវេលបានលេង 14 ប្រកួតសម្រាប់ពួកគេខណៈដែល Fulham ឈ្នះ 9 ក្នុងចំណោម 14 ប្រកួតនោះ៕
