បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាការផ្ទេរកីឡាករ Richarlison និង Lenglet មកកាន់ក្លឹប Tottenham។
– ក្លឹប Spurs បានព្រមព្រៀងនៅលក្ខខណ្ឌផ្ទាល់ខ្លួនជាមួយនឹងកីឡាករ Richarlison ហើយក្នុងនោះក្លឹបក៏ខិតជិតក្នុងការចុះកុងត្រាយក Clement Lenglet។
– Spurs និងភ្នាក់ងាររបស់កីឡាករ Richarlison បានយល់ព្រមនៅកុងត្រារយៈពេលវែងសម្រាប់ខ្សែប្រយុទ្ធសញ្ជាតិប្រេស៊ីលមកចូលរួមជាមួយនឹង Spurs នៅរដូវក្តៅនេះ។
– Richarlison គឺជាកីឡាករអទិភាពសម្រាប់ក្លឹប Spurs ហើយក្នុងនោះខាងក្លឹបនឹងធ្វើការណាត់ជួបជាមួយនឹង Everton ដើម្បីឈានដល់ការព្រមព្រៀងក្នុងការផ្ទេរនេះ។
– ក្នុងនោះដែរ ក្លឹប Spurs ក៏ខិតជិតក្នុងការខ្ចីជើងយកខ្សែការពារ Clement Lenglet ពិក្លឹប Barcelona។
– ការងារកំពុងធ្វើឡើង ចំពោះការផ្ទេរទាំង ២នេះ ដើម្បីបញ្ចប់នៅការផ្ទេរយកកីឡាករទី៤ និងទី៥ សម្រាប់រដូវក្តៅ៕
