Manchester United ត្រូវបានគេរាយការណ៍ថា ប្រឈមមុខនឹងការប្រកួតប្រជែងខ្លាំងពីក្រុមគីឡូធ្ងន់ដូចជា Paris Saint-Germain, Barcelona និង Real Madrid សម្រាប់កីឡាករឆ្នើមវ័យក្មេង Endrick របស់ក្លឹប Palmeiras នេះបើតាមការចុះផ្សាយរបស់ The Express។
Endrick បច្ចុប្បន្នមានវ័យ 15 ឆ្នាំបានបង្ហាញភាពលេចធ្លោក្នុងក្រុម U20 របស់ Palmeiras ។ គាត់បានបង្ហាញខ្លួនចំនួន 7 ដងនៅ Copinha ឆ្នាំ 2022 ដោយស៊ុតបញ្ចូលទីបាន 6 គ្រាប់។ នោះបានទាញចំណាប់អារម្មណ៍ពីក្លឹបជើងខ្លាំងនៅអឺរ៉ុបជាច្រើន រួមទាំង Manchester United ផងដែរ។
អ្នកកាសែតប្រេស៊ីល Jorge Nicola បានបង្ហាញឱ្យដឹងថា កិច្ចសន្យាអាជីពដំបូងរបស់ Endrick ជាមួយ Palmeiras នឹងរួមបញ្ចូលលក្ខខណ្ឌទិញផ្តាច់កុងត្រាក្នុងតម្លៃ 35 លានផោនក្នុងឆ្នាំដំបូង ដែលនឹងកើនឡើងដល់ 42.8 លានផោន និង 51.4 លានផោនក្នុងឆ្នាំបន្តបន្ទាប់៕
