ឥទ្ធិពលរបស់លោក Jose Mourinho លើក្រុម AS Roma ត្រូវបានបញ្ជាក់កាន់តែច្បាស់ ដោយបានលើកពានអឺរ៉ុបជាលើកដំបូងរបស់ក្លឹបក្នុងរយៈពេល 60 ឆ្នាំ។
ឥឡូវនេះ ឥទ្ធិពលរបស់អ្នកចាត់ការសញ្ជាតិព័រទុយហ្គាល់លើក្លឹបនេះ កាន់តែបង្ហាញឱ្យឃើញបន្ទាប់ពីពួកគេបានលក់សំបុត្ររបានចំនួន 33,500 ក្នុងដំណាក់កាលដំបូង ដែលជាអ្វីដែលមិនមានតាំងពីឆ្នាំ 2004 ។
Roma បានទាក់ទាញអ្នកទស្សនាប្រហែល 60,000 នាក់រួចហើយជាមធ្យមក្នុងមួយប្រកួត ហើយឥឡូវនេះត្រូវបានគេរំពឹងថានឹងបន្តកើនឡើងថែមទៀតនៅរដូវកាលថ្មីនេះ។
ដំណើរការលក់សំបុត្ររដូវកាលថ្មីបានចាប់ផ្តើមតាំងពីថ្ងៃទី 18 ខែឧសភា ហើយចាប់តាំងពីពេលនោះមក ចំនួនអ្នកកក់សំបុត្រមានអត្រាកើនឡើងជាលំដាប់។
ក្នុងចំណោមអ្នកទស្សនាចាស់ដែលកាន់សំបុត្ររដូវកាលមុន ក្នុងនោះមាន 93.8 ភាគរយបានបញ្ចាក់ថាពួកគេនឹងបន្តគាំទ្រក្លឹបក្នុងរដូវកាលថ្មី។
ចំពោះអ្នកចំណូលថ្មីចំនួន 13,000 នាក់បានចូលរួមគាំទ្រសម្រាប់ការប្រកួតក្នុងផ្ទះទាំងអស់នៅ Stadio Olimpico ៕
