ម្ចាស់ជើងឯកពិភពលោកជាមួយក្រុមជម្រើសជាតិប្រេស៊ីលនៅកូរ៉េ-ជប៉ុនឆ្នាំ 2002 Ronaldinho និង Roberto Carlos បានប្រកាសបញ្ជីឈ្មោះកីឡាករដែលនឹងចូលរួមនៅថ្ងៃទី 18 ខែមិថុនា នៅក្នុងការប្រកួតមួយដែលមានឈ្មោះថា៖ The Beautiful Game by R10 & RC3។
ម្ចាស់ជើងឯក UEFA Champions League ជាមួយក្រុម Real Madrid និង Barcelona បានរៀបចំការប្រកួតនៅកីឡដ្ឋាន DRV PNK ដែលជាផ្ទះរបស់ក្រុម MLS Inter Miami ។
យោងតាមបញ្ជីឈ្មោះដែលបានប្រកាស ការប្រកួតនឹងមានកីឡាករដែលកំពុងលេងនាពេលបច្ចុប្បន្ន កីឡាករចូលនិវត្តន៍ និងតារាល្បីៗមួយចំនួនទៀត។
ក្នុងចំណោមកីឡាករដែលកំពុងប្រកបអាជីព មានដូចជាម្ចាស់ជើងឯកថ្មីជាមួយ Real Madrid នៅ LaLiga និង Champions League កីឡករប្រេស៊ីល Vinicius Jr, កីឡាករកូឡុំប៊ី Radamel Falcao និងកីឡាករអាហ្សង់ទីន Paulo Dybala, Arturo Vidal របស់ឈីលី និង Paul Pogba របស់បារាំងក៏នឹងចូលរួមលេងដែរ។
ចំណែកឯកីឡាករដែលចូលនិវត្តន៍មានដូចជា ខ្សែការពារ Rafael Marquez ដែលជាមិត្តរួមក្រុមរបស់ Ronaldinho នៅ Barcelona។ ខ្សែការពារម៉ិកស៊ិក Ricardo Osorio ក៏ដូចជាអ្នកចាំទីកូឡុំប៊ី René Higuita និងមិត្តរួមជាតិរបស់គាត់ Carlos Pibe Valderrama, Cafu, Hristo Stoichkov, Rivaldo និង Patrick Kluivert ក៏ត្រូវបានកោះហៅផងដែរ៕
