Harry Maguire បានបើកចំហចំពោះការគម្រាមកំហែងដោយគ្រាប់បែកដែលគាត់បានទទួលកាលពីដើមឆ្នាំនេះ ខណៈពេលដែលអ្នកគាំទ្រ Manchester United បានខឹងសម្បារនឹងទម្រង់លេងរបស់គាត់។
Maguire បានស៊ូទ្រាំនឹងការលំបាករយៈពេលបីឆ្នាំសម្រាប់ក្លឹប និងប្រទេសចាប់តាំងពីចូលរួមជាមួយ Manchester United ពី Leicester ក្នុងតម្លៃបំបែកកំណត់ត្រាពិភពលោក 80 លានផោន ឬប្រមាណ 101 លានដុល្លារ។
Maguire ត្រូវបានអ្នកគាំទ្រ Man Utd ជេរប្រមាថស្ទើគ្រប់ការប្រកួតក្នុងយុទ្ធនាការឆ្នាំ 2021-22 ប៉ុន្តែស្ថានការណ៍កាន់តែអាក្រក់ទៅៗ នៅពេលដែលការគំរាមកំហែងដោយគ្រាប់បែកបានកើតឡើងនៅថ្ងៃទី 20 ខែមេសា។
កីឡាករវ័យ 29 ឆ្នាំរូបនេះបាននិយាយថា៖ «យើងជាមនុស្ស។ ខ្ញុំមានគ្រួសារ។ គ្រប់គ្នាសួរថា តើវាប៉ះពាល់ដល់ខ្ញុំទេ0x017d7 សម្រាប់ខ្ញុំ វាមិនប៉ះពាល់ខ្ញុំខ្លាំងពេកទេ ប៉ុន្តែបើនិយាយដល់ការគំរាមកំហែងដោយគ្រាប់បែក វាគឺជារឿងគ្រួសារច្រើនជាង»។
“ខ្ញុំគ្រាន់តែសប្បាយចិត្តដែលកូនរបស់ខ្ញុំនៅក្នុងវ័យមួយដែលមិនអាចដឹងរឿង និងមើលសារព័ត៌មាន។ ប្រសិនបើកូនរបស់ខ្ញុំមានអាយុច្រើន ពួកគេអាចដឹងរឿង នោះហើយវាអាចនឹងប៉ះពាល់ខ្លាំង»។
Maguire បន្ថែមលើការរិះគន់របស់គាត់នៅ Man Utd ថា៖ «ខ្ញុំស្ថិតក្នុងស្ថានភាពមួយដែលខ្ញុំនឹងត្រូវរងការរិះគន់។ Manchester United បានចំណាយប្រាក់យ៉ាងច្រើនសម្រាប់ខ្ញុំ។ វាជាក្លឹបមួយក្នុងចំណោមមក្លឹបដែលគេស្រលាញ់បំផុតក្នុងពិភពលោក ហើយក៏ជាក្លឹបដែលគេស្អប់បំផុតក្នុងពិភពលោកផងដែរ»។
«យើងដឹងថា យើងកំពុងស្ថិតនៅក្រោមការតាមដានរបស់ក្រសែភ្នែកអ្នកគាំទ្រ។ ខ្ញុំទទួលយកការរិះគន់ទាំងស្រុង ហើយខ្ញុំនឹងព្យាយាមធ្វើឲ្យប្រសើរឡើង»៕
