Thomas Tuchel ដឹងថាក្រុម Chelsea នឹងមិនទទួលបានការគាំទ្រច្រើនទេនៅថ្ងៃសៅរ៍នៅនេះ ពេលពួកគេប្រកួតជាមួយ Liverpool ក្នុងវគ្គផ្តាច់ព្រ័ត្រ FA Cup ។
ក្រុមតោខៀវនឹងត្រូវសងសឹកការបរាជ័យក្នុងពានរង្វាន់ Carabao Cup កាលពីខែកុម្ភៈ នៅពេលដែលពួកគេបានរងបរាជ័យក្រោមថ្វីជើងកូនក្រុមរបស់លោក Jurgen Klopp ដោយបាល់ប៉េណាល់ទីកាត់សេចក្តី។
Tuchel បានប្រាប់អ្នកយកព័ត៌មានកាលពីថ្ងៃសុក្រថា៖ «គ្មានអ្វីដែលត្រូវច្រណែនឡើយ Klopp គឺជាបុរសដ៏អស្ចារ្យម្នាក់ បុរសគួរឱ្យអស់សំណើច ជាគ្រូបង្វឹកដ៏ល្អបំផុតមួយនៅក្នុងពិភពលោក ហើយនោះជាអ្វីដែលគាត់ធ្វើ។ នៅពេលដែលគាត់បានបង្វឹក Dortmund ប្រទេសទាំងមូលស្រឡាញ់ Dortmund ។ ឥឡូវនេះគាត់បង្វឹក Liverpool ហើយអ្នកមានអារម្មណ៍ថាប្រទេសទាំងមូលស្រឡាញ់ Liverpool»។
«វាជាកិត្តិយសដ៏ធំមួយសម្រាប់គាត់ ហើយនេះគឺជាអ្វីដែលអ្នកត្រូវដោះស្រាយ ប្រសិនបើអ្នកលេងជាក្រុមប្រឆាំងនឹងគាត់។ ប៉ុន្តែវាតែងតែជាផ្នែកដ៏រីករាយ ហើយយើងចង់បានពាន»៕
