ជាមួយនឹងការផ្លាស់ប្តូររដូវក្តៅដែលរំពឹងទុក នៅពេលដែលអ្នកចាត់ការថ្មី Erik ten Hag ចូលកាន់តំណែងនោះ មានការរំពឹងទុកថា Ronaldo នឹងក្លាយជាកីឡាករម្នាក់ក្នុងចំណោមអ្នកដែលអាចចាកចេញ ប៉ុន្តែ Beckham សង្ឃឹមថាវាមិនមែនជារឿងបែបនោះទេ។
David Beckham បានគាំទ្រ Cristiano Ronaldo ឱ្យបន្តនៅ Manchester United នៅរដូវក្តៅនេះ។
រដូវកាល 2021-22 បានទទួលជោគជ័យលើកម្រិតផ្ទាល់ខ្លួនសម្រាប់កីឡាករវ័យ 37 ឆ្នាំមកពីព័រទុយហ្គាល់ ប៉ុន្តែគ្រាប់បាល់ 24 គ្រាប់របស់គាត់មិនគ្រប់គ្រាន់ក្នុងការទទួលបានពានរង្វាន់ ឬវគ្គជម្រុះសម្រាប់ក្របខ័ណ្ឌ Champions League ។
ថ្លែងទៅកាន់ Sky Sports អំពីការរំពឹងទុករបស់ Ronaldo ក្នុងការបន្តស្នាក់នៅ Old Trafford លោក Beckham បាននិយាយថា «ជាក់ស្តែង Cristiano គឺជាកីឡាករល្អបំផុតម្នាក់ក្នុងរយៈពេល 15 ឆ្នាំចុងក្រោយជាមួយ Messi។ អ្នកគាំទ្រគឺសំខាន់សម្រាប់គាត់ យើងដឹងថា United មានន័យយ៉ាងណាចំពោះគាត់»។
«ហើយគាត់នៅតែធ្វើអ្វីដែលគាត់ធ្វើបានល្អបំផុត។ ការស៊ុតបាល់បញ្ចូលទី និងការបង្កើតឱកាស ហើយនោះជាអ្វីដែល Cristiano ធ្វើ។ សូម្បីតែនៅអាយុ 37ឆ្នាំគាត់ អ្វីដែលគាត់កំពុងធ្វើគឺពិតជាមិនគួរឱ្យជឿ។ សង្ឃឹមថាវានៅតែបន្តទៀត ហើយសង្ឃឹមថាគាត់នឹងនៅមួយឆ្នាំឬពីរឆ្នាំទៀត»៕
