Liverpool នឹងត្រូវប៉ះ Real Madrid ឬ Manchester City ក្នុងវគ្គផ្ដាច់ព្រ័ត្រ Champions League នៅថ្ងៃទី 28 ខែឧសភា ក្នុងទីក្រុងប៉ារីស ក្រោយយកឈ្នះ Villarreal យ៉ាងលំបាក។
បន្ទាប់ពីជ័យជម្នះរបស់ Liverpool នៅក្នុងប្រទេសអេស្ប៉ាញ Mohamed Salah ត្រូវបានគេសួរថា តើគាត់ចង់ជួបក្រុមមួយណានៅវគ្គផ្តាច់ព្រ័ត្រ គាត់បានឆ្លើយតបទៅ BT Sport ថា៖
«ខ្ញុំចង់ឱ្យ Madrid ឡើងទៅវគ្គផ្តាច់ព្រ័ត្រ។ ពួកគេបានយកឈ្នះយើងក្នុងវគ្គផ្តាច់ព្រ័ត្រម្តងរួចហើយ ដូច្នេះខ្ញុំចង់លេងជាមួយពួកគេលេងម្តងទៀត»។
កីឡាករវ័យ 30 ឆ្នាំរូបនេះបានសំដៅទៅលើការប្រកួតវគ្គផ្តាច់ព្រ័ត្រឆ្នាំ 2018 ក្នុងទីក្រុង Kyiv រវាងភាគីទាំងពីរ ដែលក្រុមអធិរាជសបានយកឈ្នះ 3-1 ដើម្បីដណ្តើមបានពានទ្វីបអឺរ៉ុបលើកទី 13 របស់ពួកគេ៕
