Real Madrid បានឈ្នះពាន La Liga លើកទី 35 របស់ពួកគេកាលពីថ្ងៃសៅរ៍។ ក្រុមរបស់លោក Carlo Ancelotti បានបញ្ចប់យ៉ាងអស្ចារ្យនៅចំពោះមុខក្រុមអ្នកគាំទ្រក្នុងផ្ទះ ដោយបានយកឈ្នះលើក្រុម Espanyol 4-0 ដើម្បីលើកពាន La Liga សម្រាប់រដូវកាលនេះ។
Bale មិនបានចូលរួមអបអរការលើកពានរបស់ Real Madrid ដោយសារតែគាត់មានបញ្ហាឈឺខ្នង។
កីឡាករអន្តរជាតិវេលស៍បានពន្យល់ពីមូលហេតុដែលគាត់មិននៅទីនោះ នៅក្នុងការបង្ហោះតាម Twitter ដោយសរសេរថា៖ «ខកចិត្តខ្លាំងណាស់ដែលខ្ញុំមិនអាចចូលរួមក្នុងការប្រារព្ធពិធីនៅល្ងាចនេះ ដោយសារខ្ញុំមានរបួសខ្នង ប៉ុន្តែពិតជាមានមោទនភាពចំពោះក្រុមដែលបានឈ្នះពាន។ រីករាយសម្រាប់រាត្រីនេះមិត្តរួមក្រុមទាំងអស់គ្នា»៕
