តារាឆ្នើមសញ្ជាតិប៉ូឡូញ Robert Lewandowski បានប្រែក្លាយខ្លួនជាខ្សែប្រយុទ្ធល្អបំផុតនៅលើពិភពលោក ចាប់តាំងពីបានមកដល់ក្លឹប Bayern Munich ក្នុងឆ្នាំ 2014 ។
Lewandowski នឹងឈានចូលដល់ពេលវេលា 12 ខែចុងក្រោយនៃកិច្ចសន្យារបស់គាត់ ដែលនឹងត្រូវផុតកំណត់នៅចុងយុទ្ធនាការ 2022-23 ។
Bayern Munich អាចនឹងស្ទាក់ស្ទើរក្នុងការផ្តល់ប្រាក់ឈ្នួលដ៏ច្រើនលើសលប់ដល់កីឡាករដែលមានវ័យចំណាស់ ព្រោះថា Lewandowski នឹងមានអាយុ 34 ឆ្នាំនៅចុងបញ្ចប់នៃរដូវកាលក្រោយ ហើយវានឹងមិនគួរឱ្យភ្ញាក់ផ្អើលទេ ប្រសិនបើគាត់សម្រេចចិត្តចាកចេញ ដើម្បីស្វែងរកការប្រកួតប្រជែងដ៏សំខាន់ចុងក្រោយមួយ។
ក្រុមចំនួនប្រាំដែលអាចជាគោលដៅរបស់ Robert Lewandowski មានដូចជា៖ Barcelona, Manchester United, Chelsea, Paris Saint-Germain និង Manchester City៕
