ខ្សែការពារ Samuel Umtiti និង Clement Lenglet របស់ក្លឹប Barcelona ត្រូវបានគេរាយការណ៍ថាមានការស្ទាក់ស្ទើរក្នុងការចាកចេញពីក្លឹប បើទោះបីជាមិនសូវបានបង្ហាញខ្លួននៅរដូវកាលនេះក៏ដោយ។
អ្នកទាំងពីរត្រូវបានគេរាយការណ៍ថាចង់ក្លាយជាផ្នែកមួយនៃគម្រោងរបស់ Xavi Hernandez ជាមួយក្លឹប ប៉ុន្តែបើយោងតាម El Nacional បានឲ្យដឹងថាក្លឹបយក្ស La Liga ចង់ចែកផ្លូវជាមួយ Lenglet និង Umtiti នៅរដូវក្តៅនេះ ដោយសារពួកគេមិនមែនជាផ្នែកមួយនៃផែនការរយៈពេលវែងរបស់ Xavi ទៀតនោះទេ។
គួររំលឹកឡើងវិញដែរថា Lenglet ទទួលបាន 70,000 ផោនក្នុងមួយសប្តាហ៍ខណៈដែល Umtiti ទទួលបាន 200,000 ផោន នេះបើយោងតាមការចេញផ្សាយរបស់ fcbarcelonalatestnews.com ។ ខ្សែការពារសញ្ជាតិបារាំងទាំងពីរនាក់នេះ មានកិច្ចសន្យាជាមួយក្លឹបរហូតដល់ឆ្នាំ 2026៕
