បរទេស៖ នេះបើយោងតាមការចេញផ្សាយរបស់សារព័ត៌មាន The Daily Star បានអោយដឹងថាខ្សែបម្រើក្លឹប Tottenham គឺ Harry Winks បានក្លាយទៅជាគោលដៅពីសំណាក់ក្លឹប Southampton និង Crystal Palace។
ក្លឹបទាំង២ អាចនឹងដាក់សំណើរចំពោះកីឡាករវ័យ ២៦ឆ្នាំរូបនេះ ខណៈពេលដែលគាត់មិនស្ថិតនៅក្នុងផែនការរបស់លោក Antonio Conte នោះទេ។
គួរបញ្ជាក់ថា Winks អាចនឹងធ្វើការផ្លាស់ប្តូរ ដើម្បីស្វែងរកពេលវេលាលេងនៅលើទីលានអោយបានច្រើនជាងមុន ខណៈពេលគាត់ទើបតែបង្ហាញខ្លួនបាន ១៤ប្រកួតប៉ុណ្ណោះនៅក្នុងក្របខណ្ឌអង់គ្លេសនារដូវកាលនេះ៕
