PSG ត្រូវបានគេរាយការណ៍ថាសម្លឹងឃើញខ្សែប្រយុទ្ធ Ousmane Dembele របស់ Barcelona ជាអ្នកជំនួសដ៏ល្អសម្រាប់ Angel Di Maria ។ កុងត្រារបស់ Di Maria ជាមួយក្លឹបយក្សរបស់បារាំង នឹងត្រូវផុតកំណត់នៅចុងបញ្ចប់នៃរដូវកាលនេះ។
យោងតាម RMC Sport បានឲ្យដឹងថាម្ចាស់ក្លឹប PSG លោក Nasser Al-Khelaifi ចង់ឱ្យ Ousmane Dembele ជំនួស Di Maria នៅ PSG ។ កិច្ចសន្យារបស់កីឡាករសញ្ជាតិបារាំងជាមួយក្លឹប Barcelona នឹងត្រូវផុតកំណត់នៅចុងបញ្ចប់នៃរដូវកាលនេះ ហើយរហូតមកដល់ពេលនេះគាត់បានច្រានចោលឱកាសក្នុងការបន្តកុងត្រារបស់គាត់ជាមួយក្លឹប។
គួររំលឹកដែរថា Ousmane Dembele ត្រូវបានគេរំពឹងយ៉ាងខ្ពស់ថានឹងចាកចេញពី Blaugrana កាលពីខែមករា បន្ទាប់ពីបដិសេធក្នុងការបន្តកិច្ចសន្យាជាច្រើនដង។ ប៉ុន្តែកីឡាករវ័យ ២៤ឆ្នាំរូបនេះបានបរាជ័យក្នុងការផ្ទេរចេញពីកីឡដ្ឋាន Camp Nou៕
